28th January
وارجو ان يكون هذا الكلام خفيف عليه وهو في هذه السن المتقدمة وحتي يستعد من الآن لنقل محل اقامته من شرم الشيخ ربماإلي كفر المصيلحة. وإني اقترح عليه السحل الشمالي حيث الطراوة والخضرة والوجه الحسن ولكن حتي لا أقع في نصيحة مغلوطة ارجو أن يستشير خبير في الزلازل أو يستشير صديق علي راي جورج قرداحي حتي لا يفقد الشعب المصري رئيسه حماه الله وعفاه وهو اثر من آثاره الغاليةوالتي يعتز بها وحتي لايكون مثل فرعون موسي وإن كان فرعون موسي لقي حتفه وهو يطارد اليهود وأنت اخاف عليك ان تفقد حياتك من اجل استبقاء اليهود أحبائك. كما أرجو ألا تكون زيارة(باراك لمبارك )الأخيرة هذا الأسبوع تمهيد لعملية الرصاص المنصهر 2 (فوق دماغ اليهود بإذن الله) أقول قولي هذا لأن احد علماء اصدقائك اليهود أدلي بالتصريح التالي
حذر رئيس لجنة التوجيه في وزارة البنيةالتحتية الدكتور (أفي شبيرا ) خبير زلازل إسرائيلي من مغبة تعرض 'إسرائيل والمنطقة المحيطة بها' لزلزال قوي مشابه لزلزال هايتي أو حتى أشد قوة منه موضحا أن زلزالا قويا كهذا ليس إلا مسألة وقت حيث لا يمكن التكهن بموعد وقوعه لكنه سيأتي حتما واكد أن 20 بالمائة من المباني السكنية في إسرائيل لن تصمد بوجه هزة أرضية قوية لعدم مطابقتها لمتطلبات المواصفات القياسية في مجال البناء
و اقترح عليك رئيسنا الغالي في حالة ثبوت كلام هذا العالم الذي بلاشك هو مصدق عندك لا لشئ إلا لأنه يهودي صهيوني محترم
اولا ان تكون رجلا كعادتك في خدمة الكيان الصهيوني وتقترح علي احبائك العودة الي موطنهم الذي طردهم منه فرعون موسي مرة اخري والمكان الذي اقترحه عليكم هو !! هو!! هو!! اه ولا اقلك اقترح عليك ان تتركهم يختارو المكان الملائم لهم وارجوك ان تنصحهم بالأبتعاد عن القاهرة لأنها حتقرفهم وفيها عشوائيات كتير وطرق مكسرة ومطبات غير صناعية والسحابة السوداء والبيضاء والبنفسجي وساحبة كل الوان الطيف وكمان المستشفيات مش حتعجبهم لأنها فيها ميكروبات والخدمة متدنية وده ماينفعش معاهم لأنهم وخدين علي النظافة والمدارس في القاهرة الدروس فيها علي الواقف والقاعد والنايم وعلي كل لون يا بتتسي ومتنساش ان فيها اكبر نسبة من اصابات انقلونذا الخنازير بس اوعي تفسر في وشهم الخنازير لحسن يفتكرو انك بتتريق عليهم لأنهم حيفسروها غلط وانت عارف ليه. وكمان حتحصل مشكلة كبيرة في الزبالة خاصة بعد ان صرح السيد رئيس وزرائك بأن هنالك طن زبالة لكل مواطن في القاهرة وإلي ما يشتري يتفرج ومش عارف ده حيكون في بقية المحافظات ولا ده رفاهية متقدرش نتنازل عنها القاهرة وكذلك وبعد ان صرح الطفل المعجزة(أحمد عز) أن تكاثر كميات الزبالة لا يدل ان دل علي شئ إلا عن تقدم مستوي المعيشة وارتفاعه وبمناسبة الكلام عن المستشفيات في القاهرة مكتظة ومفيهاش مكان لرجل طيب افرض مثلا يعني ان (نتن ياهو) جاتلوا بعد الشر بعد الشر نزلة برد ولا وقع انكسرت رقبته يتعالج فين ودول مش وخديين علي البهدلة زي الي بالي بالك ولا يمكن يتنقلو دم غلط او فاسد بسبب الإهمال مثل معملتم مع المستشار راهب مجلس الدولة ورئيسها الأسبق السيد نوفل وبعدين هما اكيد عرفو ان السيد هاني سرور كان بيوزع اكياس دم فاسدو علي جميع مستشفيات مصر ويمكن يفكروا غلط ان هذه الأكياس مازلت موجودة اه يخراشي لوحد من مواطنيهم حصلو كده ده تبقي فضايح وانت ميرضكش كده يا ريس ده حتي عيب وكمان نبينا وصي علي سابع جار بس مش عارف اذا كان عليه الصلاة والسلام وصي علي شعب مصر ولا لأ بس انا عارف وفاكر انه قال انه فيها خير جند الأرض بس ولايهمك هم خير جند الأرض بس انتي رابطهم كويس وبعدين وزير الصحة صرح تصريح ماكنش له لازمة وأنه أن نسبة الأمراض السرطانية والخطيرة أنتشر ت عندنا مثل النار في الهشيم علشان نسبة الأعمار ارتفعت نتيجة للرعاية الصحية الغير مكتملة آه لا مؤخذة المنخفضة يوه غلط تاني الصراحة مش عايزة تيجي معايا وبعدين منتم عرفين كل حاجة ولو عرف اليهود إلي سنهم مرتفع من غير رعاية صحية انهم معرضين للأصابه مثل اولاد عمومتهم يمكن يطفشو وده ميصحش لأننا حنسكنهم مصر مفروشة ويبقي كده عيب علينا
نرجع لمرجوعنا في ايه تاني يا واد نخاف علي اليهود منه آه ! آه ! الطرق مزدحمة خاصة ودول ياولداه ميعرفوش يموشي زينا ولا يزنقوا في خلق الله دول دليكا خاص فافي يعني ويمكن ينقلو كمان في الزحمة لاقدر الله افكار الحرية والديمقراطية الي بيطبقوها عندهم بس بس خليها علي الله فقد كانت لكم سيادة الرئيس ايدي كريمة علي الشعب المصري وحقنتوه بفكسين مضاد للحرية والبتاعة دي اللي اسمها الديمقراطية وبعدين كما وجودهم في القاهرة وقربهم من المجلس اللي بيقعوده فيه شوية ناس بيصرخو ويؤيدو ويشجبو وينفو وكمان دلوقتي بيسبو الدين علي الصغيرة والكبيرة انا نسيت اسم المجلس بس انتي اكيد استنتجت انه مجلس اللي بالي بالك وحصوة في عين اللي مايصلي علي النبي واكيد هما حيطلبوا كوتة في المجلس ده زي كوتة الستات وكوتة الناس الي ميعرفوش يقروا إلا الفاتحة بالصلاة علي النبي وشغلتهم يعملو زفة اسكندراني ولا بور سعيدي حاجة كده لزوم الفلوكلور
وهو كله ماشي يادنيا خلاص مبقاشي وكمان دول اليهود يعني لسنهم طويل شوية وبيقولو حجات تزعج اصحاب النهي والأمر ده يااخي مقدمين البتاع ده إلا أسمه اولمرت بعد الراجل معمل اللي عمله لهم وآخرها عملية الرصاص إلي اسمه ده اه المغلي اه نسيت دا لازم ينكتب بالفصحي لأنها كانت عملية فصيحة للغاية( الرصاص المنصهر) قال ايه بيقدموه في قضية فساد ومرمطو بيه الأرض وعملوله ا كعب داير - زي مابيحصل للناس الغلابة في مصر المحروسة- هو وابنه علشان عملية فساد صغيرة زيهم مش عمليات زي بتعتنا زي حادثة العبارة وقطارات الصعيد والدم الفاسد ونواب القمار بعد نواب القروض وحوادث قصور الثقافة الجامدة قوي دي حوادث بيروح فيها الاف الناس ومليارات الدولارات وبعدين احنا نسيني ان مجلس الشوري اتحرق من كام شهر كده بدون سبب وده ممكن يقلق الأخوة اليهود لأنهم مايعرفوش الكلام ده واصل احنا كمان بيني وبينك مبنحبش الدولار دي ورقة صغيرة ومتملاش العين عشان كده الفساد الي حاجة الوحيدة الي بتتحسب بالدولار
الصراحة احنا مش زيهم حسبة كام الف دولار وكان الله بسر عليم دحنا ناس متكلفة وميملاش عينا إلا التراب ولا عمليات وزير الإسكان السابق إلي وزع فيها الاف الأفدنة من عزبته امه علي الغلابة من الوزراء واصحاب النفوذ الفولازي بس ده مش نسبة للجدار الفولازي الشر برة وبعيد عن الجدار والي بيكلمو عن الجار دا خط بنفسجي اه نسيت احمر مش فاكر ولا اخمر آه أخمر علشان الخمر من المحرمات وعلشان كده اصبحت السيادة المصرية خط اخمر وده حرمه الدين من سبع سموات. يبقي بلاش نتكام عن المخرمات.
يبقي اليهود لو دخلو مصر حتبقي حوسة للنظام لأنهم حيكشفوا المستور ودي عادة سيئة جدا وكمان معدية جدا جدا جدا
وانا حاولت سيادة الرئيس أن اجد مكان ينفع اليهود في وسط الدلتا وشرقها وجنوبها وغربها ويبعد شرهم علي السلطة المستنيرة جدا ايضا
موجدتش إلآ حل واحد نوديهم توشكا !!! وهم عندهم ملوك في زراعة الصحراء كما قال خالد الذكر يوسف والي وهو كان واحد منهم وصدقت كلمته في الأخير
عبد الحلي
Abdelhalimabdelhalim@yahoo.com
www.halim45.blogspot.com
المشاركات
ليست هناك تعليقات:
إرسال تعليق